"Uztemiryo‘lkonteyner" Yevropa va O‘zbekiston o‘rtasida konteyner yuk tashishni yo‘lga qo‘ydi.

Yangi yo‘nalish yuklarni 4400 kilometr masofaga 7 kun ichida yetkazishga imkon beradi.

"Temir yo‘l ma’muriyatlari va 'OTLK ERA' bilan hamkorlikdagi muvofiqlashtirilgan ish tufayli yangi servis yuklarni yetkazish muddatini sezilarli darajada qisqartirib, mijozlar uchun qulaylikni oshiradi", — deyiladi kompaniya bayonotida.

“Uztemiryo‘lkonteyner” AJ — “O‘zbekiston temir yo‘llari” AJning sho‘ba korxonasi bo‘lib, temir yo‘l va multimodal yuk tashish xizmatlarini ko‘rsatadi.

“OTLK ERA” AJ — YEOII hududida konteyner tranzitini rivojlantirishga qaratilgan loyiha bo‘lib, “RJD” (Rossiya), “Belarus temir yo‘llari” va “Qozog‘iston temir joly” kompaniyalari teng ulushda ishtirok etadi.