• Imtiyozli tartib qariyb 90 ta tovar pozitsiyasini qamrab oladi hamda bojxona bojlari pasaytirilishi va savdo tartib-taomillari soddalashtirilishini nazarda tutadi.
• Oʻzbekiston eksportchilari uchun preferensiyalar meva-sabzavot va oziq-ovqat mahsulotlari, ichimlik suvi, toʻqimachilik mahsulotlari, ip-kalava, trikotaj matolar, mis mahsulotlari, elektrotexnika mahsulotlari, dori vositalari hamda sanitariya-texnika buyumlariga tatbiq etiladi.
• Bitimning kengaytirilishi mahalliy korxonalar uchun Pokiston bozoridagi ishtirokni mustahkamlash, oʻzaro savdo hajmini oshirish, shuningdek, investitsiyaviy va sanoat kooperatsiyasini rivojlantirish uchun yangi imkoniyatlar yaratadi.
• Investitsiyalar, sanoat va savdo vazirligi masʼul idoralar bilan hamkorlikda eksportchilarga yangi savdo preferensiyalaridan samarali foydalanish boʻyicha har tomonlama koʻmak koʻrsatadi.