Transport vazirligi maʼlum qilishicha, endilikda “Uch qadamda eksport” elektron tizimi respublikada doimiy asosda faoliyat yuritadi.
Mazkur innovatsion platforma eksport shartnomalari asosida avtomatik tarzda yuk bojxona deklaratsiyalari va invoyslarni shakllantiradi. Chegara kesib o‘tilganda maʼlumotlar soliq va boshqa idoralarga real vaqt rejimida uzatiladi.
Avval eksport jarayoni 9 bosqichdan iborat edi, endi esa u 3 bosqichga qisqartirildi. Bu biznes uchun bojxona brokerlari xizmatlariga sarflanadigan mablagʻni 20 milliard soʻmgacha (taxminan $1,6 mln) tejash imkonini beradi.
Vazirlik qayd etishicha, 2025 yil boshidan buyon “Uch qadamda eksport” tizimi temiryoʻl transportida rasmiylashtirilgan eksport deklaratsiyalarining qariyb 5 foizini qayta ishlagan.
2025 yilning sakkiz oyida Oʻzbekiston temir yoʻllari orqali 516,4 ming yuk vagoni o‘tkazildi. Bu oʻtgan yilga nisbatan 55,3 ming vagon yoki 12% koʻpdir.
“Uch qadamda eksport” tizimi 2024 yil mart oyida avtomobil yuk tashuvlarida, 2025 yil fevralida esa aviatsiya sohasida joriy etilgan edi.
Mazkur innovatsion platforma eksport shartnomalari asosida avtomatik tarzda yuk bojxona deklaratsiyalari va invoyslarni shakllantiradi. Chegara kesib o‘tilganda maʼlumotlar soliq va boshqa idoralarga real vaqt rejimida uzatiladi.
Avval eksport jarayoni 9 bosqichdan iborat edi, endi esa u 3 bosqichga qisqartirildi. Bu biznes uchun bojxona brokerlari xizmatlariga sarflanadigan mablagʻni 20 milliard soʻmgacha (taxminan $1,6 mln) tejash imkonini beradi.
Vazirlik qayd etishicha, 2025 yil boshidan buyon “Uch qadamda eksport” tizimi temiryoʻl transportida rasmiylashtirilgan eksport deklaratsiyalarining qariyb 5 foizini qayta ishlagan.
2025 yilning sakkiz oyida Oʻzbekiston temir yoʻllari orqali 516,4 ming yuk vagoni o‘tkazildi. Bu oʻtgan yilga nisbatan 55,3 ming vagon yoki 12% koʻpdir.
“Uch qadamda eksport” tizimi 2024 yil mart oyida avtomobil yuk tashuvlarida, 2025 yil fevralida esa aviatsiya sohasida joriy etilgan edi.