O‘zbekistonga pul o‘tkazmalarining qariyb 80%i Rossiyadan kelmoqda

2025-yilning ikkinchi choragida O‘zbekistonga xorijdan $4,8 mlrd miqdorida pul o‘tkazmalari kelib tushdi, deya ma’lum qildi Markaziy bank.

Bu 2024-yilning shu davriga nisbatan $0,8 mlrd yoki 21,4% ko‘pdir.

Hisobotda mamlakatlar kesimida aniq summalar keltirilmagan. Shu bilan birga, quyidagi yo‘nalishlarda o‘tkazmalar o‘sishi qayd etildi:

• Baltika mamlakatlaridan — 65,6%
• AQShdan — 10,3%
• Rossiyadan — 23,7%
• Yevropadan — 26,9%
• Osiyo mamlakatlaridan — 19%

2025-yilning birinchi yarim yilligida esa O‘zbekistonga jami $8,2 mlrd pul o‘tkazmalari kelib tushgan.
Bu 2024-yilning shu davriga nisbatan $1,7 mlrd yoki 27% ko‘pdir.
Shundan $6,4 mlrd yoki jami pul o‘tkazmalarning 78%i Rossiyaga to‘g‘ri keladi.
Qolgan $1,8 mlrd Qozog‘iston, AQSh, Janubiy Koreya, Turkiya, Buyuk Britaniya, Qirg‘iziston va Litvadan kelib tushgan.