O‘zbekistondan chet elga yuborilgan mebelning 40% dan ortig‘i Rossiyaga to‘g‘ri keladi

2025 yil yanvar – iyul oylarida O‘zbekiston chet elga mebel va mebel mahsulotlarini $10,5 mln qiymatida eksport qildi, deya xabar berdi Davlat statistika qo‘mitasi.

Bu 2024 yilning shu davriga nisbatan $0,95 mln yoki 9,9% ko‘pdir.

Mebel mahsulotlari dunyoning 18 davlatiga yetkazib berilgan.

Eng faol eksport yo‘nalishlari quyidagilar bo‘ldi:

🇷🇺 Rossiya — $4,4 mln
🇰🇿 Qozog‘iston — $2,8 mln
🇦🇿 Ozarbayjon — $1,2 mln
🇹🇯 Tojikiston — $0,8 mln
🇰🇬 Qirg‘iziston — $0,56 mln

2025 yil avgust oyining oxirida Tojikistonning Xo‘jand shahrida «O‘zbekistonda ishlab chiqarilgan» milliy savdo uyi va mebel mahsulotlari taqdim etilgan ko‘rgazma zali ochildi.